Tibbiy kibernetika laboratoriyasi 1969 yilda O'zbekiston Fanlar akademiyasi Kibernetika institutida tashkil etilgan va 1980 yilgacha texnika fanlari doktori, professor Xusan Qodirovich Qodirov rahbarlik qilgan. Keyin laboratoriyani texnika fanlari doktori, professor Fotima Tuychievna Adylova qabul qilib oldi va hozirgi kunga qadar boshqarub kelaypti. Laboratoriya kompyuter diagnostikasi muammolarini hal qilish, tibbiyotning turli sohalaridagi kasalliklarning oqibatlarini modellashtirish va prognoz qilish ustida ishladi. Obrazlarni tanib olish usullari, matematik modellashtirish usullaridan foydalanib keldi. Laboratoriya O'zbekiston va boshqa respublikalarning ixtisoslashtirilgan ilmiy markazlari va klinikalari bilan yaqindan ish olib bordi.

Tibbiy biologik informatika laborotoriyasi 2007 yildan hozirgi kunga qadar Matematika institute tarkibida  o’z ilmiy faoliyatini olib bormoqda.

Tibbiy biologik informatika – matematik modellashtirish usullari bilan kimyo, biologiya va tibbiy informatikani amaliy asoslarni o‘rganadi va ilovalar ishlab chiqadi. Bu usullar umumiy muammolarni hal etishni ta’minlashi mumkin: modellarning prognoz qiluvchi xususiyatlarini yaxshilash va kerakli xususiyatlarga ega strukturalarni yaratish.

Ilmiy tadqiqotlar, ko‘plab xorijiy grantlar asosida amalga oshirilgan. Xususan, umumiy summasi    730 000 AQSH dollariga teng 5 ta NATO grantlari, 15 000 yevroga teng Yevropa Ittifoqi granti, 26 500 AQSH dollariga teng bo‘lgan Shveysariyaning SCOPES ilmiy fondi grantiga muvofiq bajarilgan.

F.T.Adilovaning tashabbusi bilan  jami 800 000 AQSH dollariga yaqin mablag‘ halqaro fondlardan olinib, laboratoriyaga jihozlari olishga va ilmiy tadqiqotlarga  sarflangan.

Laboratoriyada kasalliklarning rivojlanishining yangi qonuniyatlari aniqladi va tibbiyotning turli sohalarida kompyuter diagnostikasi va ularni davolashni optimallashtirish texnologiyalari ishlab chiqilgan, ular O‘zbekiston Sog‘liqni saqlash vazirligining klinikalariga joriy etilgan. Bular Toshkent, Qarshi, Nukus shaharlaridagi shifoxonalarda, O‘zbekiston Respublikasi Mudofaa vazirligining ikkita harbiy shifoxonalarida (Toshkent, Farg‘ona) telemedisina tizimlari, turli xil profil kasalliklar diagnostikasi va davolash dasturlaridir. Amalga oshirish samaradoligi aholiga tibbiy yordam ko‘rsatish sifatini yaxshilashdan iborat.

  Shuningdek,  «Grid muhitida ma’lumotlarni multiparametrik taxlilini kompyuter usullarini qo‘llash orqali molekulalarning o‘zaro ta’sirini matematik modellashtirish», «Yangi dori-darmonlar yaratish uchun kompyuter ilovalarini ishlab chiqish», «Yangi dori vositalarini ishlab chiqishda molekulyar optimallashtirishning virtual usullarini ishlab chiqish» mavzusidagi loyihalar bajarilgan, 2020 yilning aprelidan Respublika Shoshilinch Tibbiy Yordam Ilmiy Markazi uchun COVID-19 kasalligi bo‘lgan bemorlarning kasalligini baholash tizimini ishlab chiqish loyihasi amalga oshirilmoqda.

2020 yilda prezident farmoniga binoan F.T.Adilova «Mexnat Shuhrati» ordeni bilan taqdirlangan.

Laboratoriya ko‘plab institut va universitetlar bilan faol ilmiy hamkorlik qiladi, jumladan:

- Moskva va Novosibirsk davlat universitetlari;

- Qozon (Volga viloyati) federal universiteti;

- Stenford, Shimoliy Karolina, Shimoliy Dakota, Cincinnati (AQSh) universitetlari;

-          Helmholtz Zentrum Myunxen (Germaniya).