В.И.Романовский номидаги Математика Институти

Диссертация ҳимояси

2019 йил 28 март куни Ўзбекистон Миллий университети, Математика институти ҳузуридаги DSc.27.06.2017.FM.01.01 рақамли Илмий кенгашда Математика институтининг қуйидаги ходимлари физика-математика фанлари бўйича фалсафа доктори (PhD) диссертациясини муваффақиятли ҳимоя қилди:

 

 

Ҳакимов Отабек Норбўта ўғли.

Диссертация мавзуси:  «Кэли дарахтида р-адик Гиббс ўлчовлари».

Ихтисослиги: 01.01.01. − Математик анализ.

Илмий раҳбари: ф.-м.ф.д., проф. Розиқов Ўткир Абдуллоевич.

 

 

 

Нуриллаев Музаффар Эшназарович.

Диссертация мавзуси:«Ядроли ҳақиқий W* – факторларни синфлаш».

Ихтисослиги: 01.01.01. − Математик анализ.

Илмий раҳбари: ф.-м.ф.д.,проф. Рахимов Абдуғофур Абдумажидович.

 

 

 

Мамадалиев Нодир Камолдинович.

Диссертация мавзуси:  «Ярим аддитив функционаллар фазосининг кардинал ва топологик хоссалари».

Ихтисослиги: 01.01.04. – Геометрия ва топология.

Илмий раҳбари: ф.-м.ф.д., доцент. Бешимов Рўзиназар Бебутович.

 

 

 

 

25.01.2019 да чоп этилган

Математика институти директори академик Ш.А.Аюповнинг ХИСОБОТИ

Институт ходимлари сони 94 киши, улардан 68 та илмий ходим, шу жумладан, 5 та академик, 21 та фан доктори, 20 та фан номзоди. Илмий салоҳият  – 60 %.

2018 йилда –6 та фундаментал лойиха –750,7 млн.сўм,

  2-та амалий - 205,3 млн. сўм,

  5-та ёшлар – 216,1 млн. сўм. лойиҳалари  бўйича тадқиқотлар олиб борилган.

Давлат бюджети асосида жами молиялаштириш миқдори:

  Ҳаммаси: 2355,5 млн сум.

  Шу жумладан: базовое финансирование - 639,6 млн.сум.

Нобюджет маблағлар миқдори: 117,6 млн.сум

Ҳозирда институтда фаолият олиб бораётган 68 илмий ходимдан 24 нафари 35 ёшгача бўлган ёшлардир (36%).  Шулардан 18 таси 5 та ёшлар  лойиҳалари бўйича тадқиқотлар олиб бормоқда. Бундан ташқари:

  Ёш олимлар Президент стипендияси танловида фаол иштирок этмоқда - таянч докторант Ж.А.Каримов 2019 йил учун Президент стипендианти бўлди; академик Қори-Ниёзий номидаги стипендия билан рағбатлантириб келинмоқда (Г.Ботиров, И.Саттаров, Ж.Каримов).

  Ёшларга чет эл илмий марказларида стажировка ўтиши учун имкониятлар яратилган. Сўнгги 3 йил давомида 9 нафар ёш ходим чет элда малакасини оширди.

  Ёш олим Р.Давронов имтиёзли кредит бўйича квартира билан таьминланди.

2018 йилда  илмий ходимлар 146 та мақола (ўртача 2,3 та), шу жумладан, чет элларда 79 та (ўртача 1,2 та) мақола нашр эттирган.

  2018 йил давомида 8 та дастурий маҳсулотга муаллифлик гувоҳномаси олинган.

Информация 

по зарубежным публикациям научных сотрудников Института математики им. В.И.Романовского  Академии наук Республики Узбекистан

Год

Кол-во научных сотрудников, в том числе докторантов

Кол-во публикаций

в том числе, включенных в базу:

Web of Science*

Scopus

 

Кол-во

Индекс цитируемости

Кол-во

Индекс цитируемости

2018

68 н.с. и 18 докторантов

79

78

926

30

404

 

2018 йилда чет элда 4 та монография нашр этилди:

 

1.Azamov A., Bunimovich L., Dzhalilov A., Zhang H.K. Differential Equations and Dynamical Systems. USUZCAMP 2017. Springer Proceedings in Mathematics & Statistics, 2018, Vol. 268. Springer, Cham. 195 .
2.Rozikov U.A. An introduction to mathematical billiards. World Sci. Publ. Singapore.2018, (220 pages).
3.Ibragimov Z., Levenberg N., Rozikov U., Sadullaev A. (Eds). Algebra, Complex Analysis, and Pluripotential Theory. Springer Proceedings in Mathematics and Statistics. 2018, V. 264, Springer Nature Switzerland.
4.Векслер А.С. Статистические эргодические теоремы в перестановочно-инвариантных пространствах измеримых функций. –Lambert Academic Publishing, ISBN 978-3-659-5047-0, 2018.,156 c.

 

 

 

 

 

 

Институтнинг жаҳон математиклар жамияти томонидан тан олинган тадқиқот натижалари:

  Оператор алгебралари ва чекли ўлчамли Ли алгебраларидаги локал ва 2-локал  дифференциаллашларнинг тўла таснифи олинди. Чекли ўлчамли Лейбниц алгебраларининг тузилиш назарияси қурилди.

  Статистик механиканинг турли моделлари учун Гиббс ўлчовлари тавсифланди, бу моделларнинг термодинамик хоссалари ва фазавий диаграммалари олинди.

  Махсус функцияларнинг,  жумладан Аппель гипергеометрик функцияси, кўп параметрли Миттаг-Леффлер функцияларининг муҳим хоссалари ўрганилди ҳамда бутун ва каср тартибли хусусий ҳосилали дифференциал тенгламалар учун тўғри ва тескари масалаларнинг бир қийматли ечилишини исботлашда қўлланилди.

  Боғлиқ кузатувчилар натижаси бўйича тузилган U-статистикалар учун бутстрэп баҳолар олишнинг янги методи яратилди. 

Институтда ёшларни Германия (Бонн, Берлин, Бохум ва бошқа университетлар), Англия (Кембридж университети), Италия (Рим университети, Триестдаги назарий физика Ҳалқаро маркази), Франция (Назарий физика Ҳалқаро маркази, Олий илмий тадқиқотлар институти), Испания (Севилья, Сантьяго де Компостелла университетлари), Хитой Халқ Республикаси (Сичуан университети)нинг етакчи илмий марказларида стажировка ўтишлари ва тадқиқотлар олиб бориши учун имкониятлар бор. 

2016-2018 йиллар давомида 11 киши докторантурани битирган бўлиб,  улардан 5 таси химоя қилди. Бундан ташқари 2 нафар таянч докторант (Сафаров Ж.Ш, Болтаев Н.Д.) муддатидан илгари химоя қилди.

Докторлик диссертацияси(DSc):

1.Жамилов Уйғун Умурович – 01.01.01;
2.Джамалов Сирожиддин Зухриддинович -01.01.02.

Фалсафа доктори диссертациялари(PhD):

1.Ахмедов Дилшод Машрабович - 01.01.03.
2.Азамов Сирож Собирович - 01.01.03.
3.Сафаров Жўрабек Шакарович -  01.01.02.
4.Бекимов Мансур Адамбаевич -  01.01.02.
5.Болтаев Нурали Давлятович – 01.01.03.

 

 Бугунги кунда институтда 2 докторант ва 21 таянч докторант тадқиқотлар олиб бормоқда. 

Институтда асосан назарий тадқиқотлар олиб борилади. Сўнгги йилларда математиканинг татбиқларига ҳамда таълимни ривожлантиришга катта эътибор қаратилмоқда.

Амалиётга доир натижалар

 

Иссиқлик электростанцияларидаги айланувчи регенератив  ҳаво қиздиргичлардаги (АРҲҚ) иссиқлик алмашиш жараёнининг янги математик модели яратилди. Бу модел асосида АРҲҚ иш режимини бошқариш имконини берувчи компьютер дастури яратилди.

Дори-дармон яратишда “структура-активлик” моделини қуриш вақтида танланма тўпламни модель қобилиятини баҳолашнинг янги методи тадқиқ қилинди. Бир қатор алколоидларнинг активликларини башоратловчи янги моделлар қурилди.

Зарарли моддаларнинг диффузияси ва ўтказиш жараёнининг ахборот моделини тайёрлаш ва киритиш учун дастурий маҳсулот яратилди. Саноат минтақаларида (Ангрен-Оҳангарон-Олмалиқ саноат минтақаси мисолида) экоҳолатни мониторинг ва прогнозлаш учун дастурий модуль яратилди.

Математика институти нашр қиладиган “Uzbek Mathematical Journal” илмий журнал 2018 январь ойидан бошлаб мақолаларни фақат инглиз тилида қабул қилади. Унинг тахририятига кўпгина хорижий етакчи олимлар киритилган бўлиб ундаги барча мақолаларга DOI (Digital Object Identifier -Цифровой идентификатор объекта) берилади. Шу билан бирга институт 2018 йилдан бошлаб янги электрон журнал “Бюллетень Института математики” нашр қила бошлади.

Айни пайтда институтнинг етакчи олимлари (21 нафар) ЎзМУ, ҚҚДУ,  АндДУ, БухДУ, НамДУ, ҚаршиДУ ва бошқалар институтда  олинган илмий натижалар асосида магистрантларга махсус курслар ўқиб келишмоқда. Ўз навбатида ОТМ профессор- ўқитувчиларидан 14 нафари институт лойихаларида иштирок этишмоқда.

  2018 йил давомида Олий таълим муассасалари талабалари учун 1 та дарслик ва 3 та ўқув қўлланмалар нашр этилди. Акад.А.Азамов шогирди билан мактаб ўқувчилари учун 3 томлик олимпиадаларга тайёрланиш  ўқув қўлланмасини нашр этди.

Дарслик ва ўқув қўлланмалар:

1. Azamov A., Tilavov A. CHINqiziqarli matematika I. Umumiy o’rta ta’lim maktablarining quyi va o’rta sinf o’quvchilari uchun. Toshkent: Tafakkur, 2018. 164 b.

2. Azamov A., Tilavov A. CHINqiziqarli matematika II. Umumiy o’rta ta’lim maktablarining yuqori sinf o’quvchilari uchun. Toshkent: Tafakkur, 2018. 156 b.

3. Azamov A., Tilavov A. CHINqiziqarli matematika III. Akademik litseylar va X, XI sinf o’quvchilari uchun. Toshkent: Tafakkur, 2018. 172 b.

4. Sharaxmetov Sh., Kurbanov O. Iqtisodchilar uchun matematika. Darslik. 410 bet. “Falsafa” nashriyoti, 2018 yil.

Институт раҳбарияти институтнинг белгиланган устувор тадқиқот йўналишлари бўйича лойиҳалар ташкил этиш, кадрлар таркибини ёшартириш (хусусан,  ёш кадрларни тайёрлаш),  чет эл етакчи илмий марказлари билан фаол ва самарали хамкорлик олиб бориш ишларини яхши йўлга қўйишга эришган. Охирги 3 йил давомида институт ходимларидан 30 дан ортиги қабул қилувчи томон хисобидан чет эл хизмат сафарида бўлишган.

IRES гранти бўйича АҚШлик 10 нафар талаба июнь-август ойларида институтда атоқли олимларимиз Ш.А.Аюпов, Ш.О.Алимов ва Ў.А.Розиқов раҳбарлигида тадқиқотлар олиб боришди ва илмий мақолалар тайёрлашди.

2018 йилнинг 10-21 сентябрида Тошкентда ёш математик олимлар учун “Ноассоциатив алгебралар ва уларнинг тадбиқлари” мавзусида Ҳалқаро конференция ўтказилди (ҳалқаро CIMPA илмий фонди кўмагида). Унда АҚШ, Франция, Бразилия, Аргентина, Хитой давлатларининг етакчи профессорлари Ўзбекистон ва қўшни давлатлар ёш олимларига маърузалар ўқишди

 

 

 

 

Жорий йилнинг 28-30 октябрида Ургенч шахрида математика бўйича талабалар ўртасида ўтказилган Ал Ҳоразмий номидаги Ҳалқаро олимпиадага тайёргарлик кўриш ва ўтказишда институт директори акад.Ш.А.Аюпов, акад.А.Азамов (Ташкилий қўмита аъзолари) ва таянч докторант Ж.А.Каримов ( жюри аъзоси) фаол иштирок этишди.

Хозирги кунларда мактаб математика олимпиадалари тизимини хам ислоҳ қилиш устида  иш олиб борилмоқда

26.01.2018 да чоп этилган

Бутунжаҳон Фанлар Академияси (The World Academy of Sciences, TWAS) Италиянинг Триесте шахрида жойлашган, глобал фанлар академияси сифатида тавсифланади. TWAS нинг ташкилотчиси ЮНЕСКО (UNESCO — United Nations Educational, Scientific and Cultural Organization)  сайтидаги таърифга кўра “TWAS фанни глобал жанубда ривожлантиришга бағишланган жаҳондаги етакчи фанлар академиясидир”. Бу академия Нобель мукофоти совриндори покистонлик Абдус Салом бошчилигидаги олимлар грухи томонидан 1983 йилда ташкил этишган, уларнинг мақсади ривожланаётган давлатларда фанни ва инженерликни стабил равишда ривожлантириш бўлган. Бугунги кунда  TWAS нинг ҳақиқий аъзолари сони 1228 та бўлиб, улар 90 дан ортиқ давлатлардан олинган. TWAS юридик равишда ЮНЕСКОнинг лойиҳаси бўлимидир (1991 йилдан), Италия давлати томонидан молиялаштирилмоқда.  1984 йилдан илм-фан бўйича Халқаро кенгаш таркибига кирган.

TWASнинг дастлабки ҳақиқий аъзолари 42 кишидан иборат бўлганди, улардан 9 нафари Нобель мукофоти совриндорлари эди. Бугунги кунда бундай совриндорлар 15 тани ташкил этади.

Ўзбекистон олимларидан қуйидагилар TWASнинг ҳақиқий аъзоларидир:

  1. Аюпов Ш.А. 2003 йилдан,
  2. Абдурахмонов И.Й. 2014 йилдан
  3. Ганиев Р.А. 2008 йилдан
  4. Розиков Ў.А. 2018 йилдан.

 

Ўзбекистон Республикаси Фанлар академияси

 В.И.Романовский номидаги Математика институти етакчи илмий ходими

Розиков Уткир Абдуллоевич

 

2003 йилда “Ўзбекистон белгиси” кўкрак нишони билан мукофотланган.

2003 йилда “Ўзбекистон Республикаси Халқ таълими аълочиси” билан мукофотланган.

2017 йилда Ўзбекистон Республикаси Давлат мукофоти берилган.

2017 йилда “Springer Nature Top Author” халқаро мукофоти берилган.

2018 йилдан Бутунжаҳон Фанлар академияси (TWAS) академиги

       Физика-математика фанлари доктори, профессор.

У.Розиков математик анализ, алгебра ва эхтимоллар назариясининг замонавий усуллари билан физик ва биологик системаларнинг термодинамикаси ва динамикаси назарияларини яратиб, уларни табиий фанларга қўллашда юксак натижаларга эришган математик-олим.

У.Розиковнинг чоп этган илмий ишлари сони  202 та (жумладан, чет элнинг нуфузли журналларида 125 та; Республика журналларида 23 та; илмий-оммабоп мақолалар 9 та; Конференциялар материалларида 45 та). Шунингдек, Розиковнинг  404 бетлик монографияси (U.A.Rozikov, Gibbs measures on Cayley trees. World Scientific, Singapore, 2013.) ҳозирги кунда дунёнинг 200 дан ортиқ университет ва илмий марказлари кутубхоналаридан муносиб ўрин олган.

             www.scholar.google.com сайтдаги маълумотга кўра Розиковнинг илмий мақолаларига 2129 марта иқтибослик (ссылка) қилинган, h-index – 24,   i10-index – 65.  

Олинган натижалари ҳалқаро миқёсда юқори баҳоланиб, У.Розиков кўп халқаро университет ва илмий марказларга ҳамкорлик қилиш учун таклиф қилинди ва илмий маърузалар қилди, жумладан Гранада университи, Испания (2017),  Женева университети, Швейцария (2016);  Лидс, Дарем ва Уорик университетлари, Англия (2016); Экс-Марсель университети,  Франция (2015); Университет Париж-эст,  Франция (2014); Рур, Бохум университетлари, Германия (2013, 2014); Назарий физика маркази, Марсель ва Тулон университети, Франция  (2011, 2012, 2013, 2015); Виго университети, Испания (2011, 2012, 2017); Зирве ва Урфа университетлари, Турция (2010); Сантьяго де Компостелла университети, Испания (2010-2017); Назарий физика халқаро маркази, Триест, Италия (2002–2011);  Бонн университети, Германия (2008, 2011); IIUM, Малайзия (2007); GCU Лахор, Покистан (2007, 2009); IHES, Бур-сюр-Ювете, Франция (2003, 2006, 2012); Москва, МГУ, Россия (2005); Университет “La Sapienza”, Рим, Италия (2004, 2005); Университет Кембридж, Англия (2002, 2003, 2004); Университет Эдинбург, Шотландия (2003); IITP, Москва, Россия (2000) ларда илмий сафарларда бўлган.

2015 йил 25-26 июн кунлари У.Розиков ташаббуси билан Франциянинг Марсель шаҳридаги Назарий физика маркази ва IMeRA институти ҳамкорлигида "Dynamical Systems: Modern results on Gibbs-non-Gibbs dynamical transitions, Thermodynamics of extremality of Gibbs measures, Evolution dynamics of population genetics" номли илмий конференция ташкил қилинди. Шунингдек, олим ўзининг илмий ишлари ҳақида Франция фанлар академияси учун интервью берди (www.dailymotion.com/video/x2ybzpp).

Розиковнинг илмий натижалари жаҳон миқёсида юқори савияга эгалигини, унинг ривожланган хорижий давлатлардан ҳаммуаллифлари рўйхатидан кўриш мумкин: J.P.Tian (АҚШ); S.Albeverio, C.Kuelske (Германия); M. Cassandro, T. Merola (Италия); D.Gandolfo, P. Picco, J. Ruiz, R.Varro (Франция); M. Ladra, J.M. Casas, M.V. Velasco (Испания); A. Labra (Чили);  J.F.Mendes (Португалия); F.Hiroshima (Япония); J. Lorinczi, J. Martin, Yu. Suhov (Буюк Британия).

«Кадрлар тайёрлаш миллий дастури» доирасида Бухоро, Қарши ва Наманган давлат университетилари талабаларига “Алгебранинг танланган боблари”, “Анализнинг танланган боблари”, “Биологияда динамик системалар” ва “Операторлар назарияси” фанларидан махсус курслар ўтиб келмоқда.

Тошкент, Бухоро, Қарши ва Наманган вилоятларининг академик лицейлари, коллежлари ва мактабларида доимий учрашувлар қилиб, ёшларни илм фанга қизиқишини оширишга катта ҳисса қўшган. 

ЎзМУ ҳузуридаги докторлик ҳимоялари бўйича Ихтисослашган кенгаш 14.07.2016.FM.01.01 аъзоси ва 2001-2010 йилларда ОАК эксперт кенгаши аъзоси бўлган.

У.Розиков раҳбарлигида 8 та фан номзоди ва 1 та фан доктори диссертациялари ҳимоя қилинган, 3 та иш PhD ва 2 та иш фан доктори илмий даражаларини олишга тайёрлаган,  ва яна 2 та фан докторлиги диссертациялари тайёрланмоқда. Ушбу илмий ишлар алгебра, анализ ва эҳтимоллар назариясининг долзарб муаммоларини ҳал қилишга бағишланган.

Қўлга киритилган фундаментал ютуқлари учун У.Розиков 1995 йилда Япониянинг Тошкентдаги элчихонаси мукофоти, 2000, 2001, 2009 йилларда ЎзР ФА ва Бутунжаҳон фанлар академияси (TWAS)нинг ёш олимлар учун халқаро мукофоти берилган. У қуйидаги халқаро грантлар совриндори: LMS grant, School of Mathematics grant, Лидс ва Лондон, Англия (2016), Research visiting grants, Aix-Marseille University, IMéRA Франция (2011, 2012, 2015,), TWAS Research Grant, Италия (2010–2012), DFG Grant, Германия  (2011), TŰBITAK Grant, Туркия (2010), NATO Reintegration Grant, Италия (2003–2006), Royal Society grant (Isaac Newton Institute, Cambridge) Англия (2004).

2007-2012 йилларда У. Розиков TWASнинг ёш олимлари бўлими аъзоси бўлди.       2018 йилдан TWASнинг академиги.

2005-2010 йилларда Халқаро назарий физика марказининг (ICTP, Триест, Италия) мухбир  аъзоси бўлган.

2004-2007 йилларда У.Розиков NATO Reintegration grant олиб, ЎзФА математика институтига 15 та замонавий компьбтер, 1 та проектор, 20 та принтер олинди. Бу грант билан илмий журналларнинг электрон вариантини олишга имкон яратилди. 

2005-2010 йилларда У.Розиков томонидан  ICTP гранти асосида ЎзФА математика институти библиотекасига 100 дан ортиқ замонавий илмий китоблар олинди. Бундан ташқари, жуда кўп илмий журналлар ва китобларнинг нусхалари олиниб Италиядан  ЎзФА математика институтига келтирилди.

2009 йилда У.Розиков томонидан Америка математика жамиятининг (AMS) грантини олиб, ЎзФА математика институти библиотекасига 100 дан ортиқ замонавий илмий журналлар келтирди.

2010 йилда У.Розиков томонидан TWASнинг гранти олиниб, ЎзФА математика институтига 2 та замонавий компютьер, 2 та нотбук ва 2 та принтер олинди.

 Истеъдодли олим ташкилотчилик ва юксак инсоний фазилатлари билан республика ва хорижий  олимлар ҳурматини қозонган.