📱Akademik Shavkat Ayupov UrDUda maʼruza oʻqidi. O‘zbekiston Respublikasi Fanlar akademiyasi akademigi, V.I.Romanovskiy nomidagi Matematika instituti direktori, O‘zbekiston Qahramoni Shavkat Ayupov Xorazm viloyatiga tashrifi doirasida Urganch davlat universitetida boʻlib, universitetning Fizika-matematika fakulteti professor-oʻqituvchilari, doktorant va magistrlariga maʼruza oʻqidi. Akademik Shavkat Ayupov maʼruzasida Fanlar akademiyasining tashkil etilishi va mustaqillik yillarida rivojlanishi to‘g‘risida gapirib, hech bir davrda ilmga hozirgiday e’tibor qaratilmaganini ta’kidlab o‘tdi. Bugungi kunda ilm-fanni va ta’lim sohasini rivojlantirishda amalga oshirilgan islohotlar, hozirda mavjud muammolar va ularni bartaraf etish choralari haqida gapirildi. Erkin muloqot tarzida oʻtgan uchrashuvda matematikaning eng soʻnggi yutuqlari, fandagi oʻzgarishlar hamda sohada yechimini kutayotgan masalalar yuzasidan suhbat olib borildi.