My image My image
My image My image
O'zbekiston Respublikasi Fanlar akademiyasi
V.I.Romanovskiy nomidagi Matematika instituti
| Mathnet.uz | Math-Net.Ru | Mathscinet | Scopus.com |Web of Science | Publons.com | Ictp |
Manzil
100174, Toshkent shahri,
Olmazor tuman, Universitet
ko’chasi, 9-uy
Tel.: +99871-207-91-40
Fax: +99871-262-52-36
Web site: www.mathinst.uz
E-mail: uzbmath@umail.uz
Мурожаат
July 3, 2022, 5:30 p.m.

Mен таниган қорақалпоқ дўстларим, шогирдларим – меҳмондўст, самимий, тўғрисўз инсонлардир! Ассалому-алайкум ҳурматли ватандошлар! Сўнгги кунларда Ватанимизнинг бир қисми бўлган Қорақалпоқ заминидаги вазиятдан хабарингиз бор. Қорақалпоқ замини, қорақалпоқ халқи билан бир неча асрлар давомида бир юрт, бир халқ бўлиб яшаб келмоқдамиз! Ҳар йили мен Қорақалпоқ давлат университети талабалари учун Нукус шаҳрига бориб маъруза ва семинарлар ўтказаман. Менинг шогирдларим орасида кўплаб қорақалпоғистонлик фан докторлари ва фан номзодлари, Олий Мажлис депутатлари фаолият юритмоқдалар. Республикамиз Президенти қарори билан Нукус шаҳрида Фанлар академияси Математика институтининг Қорақалпоқ бўлинмаси ташкил қилинган. Унга менинг энг иқтидорли шогирдларимдан бири бўлган профессор Каримберген Кудайбергенов раҳбарлик қилади. 2017 йилда мен Каримберген ва шогирдларим Бахром Омиров, Ўткир Розиқовлар билан биргаликда Президентимиз Фармонлари билан Фан ва техника соҳасида Биринчи даражали Давлат мукофоти билан тақдирланганмиз. Ҳурматли қорақалпоқ халқи, асрлар давомидаги бирлигимизга раҳна солишга ҳаракат қилаётган ташқи кучларга имкон берманг! Бу кучлар бир жон, бир тан бўлишимизни кўра олмаганлар, тинчлигимизга ҳасад қилаётганлардир! Уларнинг мақсади - Марказий Осиёда сўнгги йилларда илдам ривожланиб келаётган юртимизнинг барқарорлигини издан чиқаришдир! Воқеаларда иштирок этаётганлар мен билган ва мен таниган қорақалпоқ халқи эмас! Чунки мен таниган қорақалпоқ дўстларим, шогирдларим – меҳмондўст, самимий, тўғрисўз инсонлардир! Ўзбекистон Қаҳрамони, Ўзбекистон Олий Мажлиси Сенати аъзоси, академик Шавкат Абдуллаевич Аюпов