Ayni damda O‘zbekiston Respublikasi Fanlar akademiyasi V.I. Romanovskiy nomidagi Matematika instituti direktori o‘rinbosari, professor Xudoyberdiyev Abror Xakimovich Xitoyning Shenzhen shahridagi Southern university of Science and Technology (Janubiy Fan va Texnologiya universiteti) qoshidagi International Center for Mathematics (Xalqaro Matematika markazi) da ilmiy safarda bo‘lib turibdi. Xudoyberdiyev Abror Xakimovich Xalqaro Matematika markazi direktori, Fields medali sovrindori professor Efim Zelmanov tomonidan ilmiy hamkorlik qilish maqsadida taklif qilingan bo‘lib, hozirda markazda tashkil etilgan ilmiy seminarlarda faol ishtirok etmoqda. Bundan tashqari A.X.Xudoyberdiyev Shenzhen shahrida tashkil etilgan 3-mintaqaviy konferensiyada ham ishtirok etdi.