Bugun V.I.Romanovskiy nomidagi Matematika instituti Qoraqalpog'iston bo’linmasida Qoraqalpoq davlat universiteti professor-o'qituvchilari va talabalari bilan akademik Abdulla Azamov uchrashuvi bo'lib o'tdi. Uchrashuv davomida bugungi kunda matematikaning rivojlanib borayotgan tarmoqlari, matematika ilmiga kirish va ilmiy izlanishlar olib borish, matematika fani va ta'limida uchrayotgan dolzarb muammolar kabi mavzular hamda yoshlarni qiziqtirgan turli savollar bo'yicha akademik A.Azamov o'z tavsiyalarini berdi.